Бу кинигэҕэ барыны бары тууйан олорбут кырыктаах былаас кэмигэр төрөөн, үөрэнэн, кылгастык үлэлээн ааспыт, аата ааттамматах, сураҕа суох сүппүт учуутал уонна поэт Николай Николаевич Харитонов - Чукураһа Ньукулай (1929-1974) олоҕун эрэйдээх-буруйдаах суолларын туһунан кэпсэнэр. Чукураһа Ньукулай суруйан хаалларбыт, өр сылларга илииттэн илиигэ сылдьыбыт айымньылара, кини доҕотторун, үөрэнээччилэрин ахтыылара аан бастаан ааҕааччы киэҥ араҥатыгар тахсар.