Сүрэх этэринэн
Обложка

Сүрэх этэринэн

Якутскай

Саха сиринээҕи кинигэ издательствота

1982

110 с.

Краткое содержание

Сэһэҥҥэ бастакынан хорсун хотой кыргыттарын туһунан кэпсэнэр. Ол курдук, эвен кыыһын туһунан, аан бастаан саа-саадах тутан уоттаах сэриини ортотунан ааспыт Саха сирин дьахталларыттан биир бастакылара – хорсун-ходуот саллаат Маша (Мария Васильевна Потапова). Маша Потапова – суостаах бартыһаан, мындыр разведчик, эвен хорсун кыыһа. Кини революционнай ыччат кэккэтигэр тардыллар. Куоракка аан маҥнай үөскээбит комсомольскай тэрилтэ чилиэнинэн буолар. Эдэр дьоҥҥо, нэһилиэнньэҕэ Ленин, революция, партия, комсомол диэн кимнээхтэрин-туохтарын, кинилэр сыалларын-соруктарын туһунан быһааран-өйдөтөр, сырдатар үлэни күүстээхтик ыытар.
Хап-хатыҥыр, кып-кыра, хап-харанан көрбүт табаһыт кыысчаан Вера Попова Москва куоракка Комсомольскай конференцияҕа, комсомол XVIII съеһин делегатынан талыллан тыл этэ барар. Съезкэ барыта 4981 делегат талыллар. Олортон биирдэстэрэ саллаат Маша биир дойдулааҕа, кини героизмын бүтүн маассабай героизм оҥоһуллар айымньылаах үлэтигэр салҕааччы табаһыт Вера Попова кыыс кэлэн, Ленини, партияны, комсомолу албыыр толору дьоллонон, тыл этэн кыттыыны ылар. Ити буолар үлэһит киһи өрөгөйдөөх үрдүк дьоло кэхтибэт кэскиллээҕин бэттибэт бэлиэтэ.
Сэһэҥҥэ салҕыы нуучча дойдутуттан Твиритино дэриэбинэттэн Лесниковтар дьиэ-кэргэн ыал улахан оҕото уон алталаах Зина кыыс туһунан кэпсэнэр. Олох итиитин-тымныытын амсайа илик кыысчааны ийэтэ сэрии ыар кэмнэригэр ыраах хоту дойдуга үлэҕэ ыытыан баҕарбат даҕаны, сөбүлэҥин биэрэр. Саха сирин Горнай оройуонугар Атамай нэһилиэгэр кэлэн өр сыллар тухары сиэстэрэнэн бэриниилээхтик үлэлиир. Манна олоҕун аргыһын көрсөн, партия райкомугар үлэлиир Василий Кононовка кэргэн тахсар. Ол эрээри ыар сүтүгү көрсөр, тапталлаах доҕоро эдэр сааһыгар өлөн, тулаайах хаалар. Зина кыра эрдэҕиттэн олох ыардарын көрсөн, модун санааланан, тулхадыйбат дьулуурданан элбэх кыра оҕотун сүһүөхтэригэр туруортуур.
Сайын. Амма. Ануфриевтар ыаллар. Клава кыыс бэһис кылааһы бүтэрэн баран, колхоһугар араас үлэҕэ улахан дьону кытта тэбис-тэҥҥэ үлэлэһэр. Кини уус-уран самодеятельноһы бүтүн Россиятааҕы көрүүгэ кыттыыны ылан, модун Москва куоракка кытта баран кэлэр. Оннооҕу устата-туората биллибэт саала улахан сценатыгар киирэн, сахалыы ырыаны, үҥкүүнү толорон, бастыҥ махтал тылларын истэр, үрдүк сыанабылы ылар. Колхозтаах саха боростуой кыыһыгар, саҥардыы силис тардан, үүнэн иһэр сибэкки курдук киһиэхэ – ол дьол. Сотору Якутскайга бастыҥ ырыаһыттар, үҥкүүһүттэр концертарыгар Клавдия Ануфриева эмиэ биир бэртээхэй ырыаны айан ыллаан дьон үрдүк сыанабылын ылар.
Сэһэҥҥэ салҕыы үлэһит дьон күннээҕи олохторо ойууланар, аныгы ыччат бэйэтин булунуута, кыһалҕалара, үлэҕэ бэриниитэ итэҕэллээхтик көстөр.

Кинигэ ис хоһоонун кылгастык кэпсээтэ вед. библиотекарь Нарыйа Васильева, СӨ национальнай библиотеката, Оҕо ааҕар киинэ

Айталын
Сүрэх этэринэн / Н. А. Герасимов. - Якутскай : Саха сиринээҕи кинигэ издательствота, 1982. - 108, [2] с.

Войдите в систему, чтобы открыть документ

Вам будет интересно